hiwaga

Hating-gabi na natapos si Mark sa trabaho kaya pagdating sa bahay ay dali-dali itong naligo at natulog sapagkat may pasok pa ito sa eskwela kinabukasan.Sa kalagitnaan ng kanyang malalim na tulog ay nanaginip nito tungkol sa isang babae na hindi pa nya nakikita. Isang babae na magpapabago sa malungkot at walang direksyon nyang buhay. Isang babae na iniibig nya ng lubusan at wagas sa madaling salita. Sa panaginip nya ay kapwa sila nagiibigan at nagkakaintindihan na walang hanggang magmamahalan at kulang na lang ay magsumpaan. (RRRrrriiinngg....) tumunog na ang alarm clock panibagong araw nanamn para kay Mark. tila parang ayaw pang bumangon ni Mark mula sa higaan dahil sa kanyang panaginip at ang mahiwaga, misteryoso at tila isang diwata sa kanyang panaginip.. Malaki ang naging epekto nito sa kanya. Parati nya ito naiisip kahit nasaan sya at umaasa na mapapanaginipan nya ulit ang diwata. Sa kabila ng madalas na pagiisip at tulala nito, hindi naman na-apektuhan ang pagiging henyo nito lalo na pagdating sa mga aralin.. Isang araw, puno ng pangambang sumakay sa bus si Mark, pusturang pustura kahit walang laman ang bulsa. Pagsakay sa bus ay tila mga uhaw at gutom na linta na nakatitig ang mga pasahero sa kanya na animoy gusto syang lapangin. Kaya naman napalunok na lang ito at nanlalamig sa pawis na parang gusto na rin maghubad subalit nagdalawang isip ito sa dahilang may dalagang katabi ito at iniiwasan nyang matukso ang dilag s mala-adonis nyang katawan. Pagdating sa klase, masasamang tingin ang sumalubong sa kanya mula sa kanyang teacher sapagkat late na naman ito datapwat hindi ito nagpahalatang takot bagkos ay animoy pulitiko itong nagkakaway sa mga taong nakapaligid sa kanya. Sa gitna ng discussion, sumagi na naman ang diwata sa kanyang panaginip, panaginip na gusto nyang balik-balikang at hinahangad na maging isang katotohanan..